Француските регулатори утврдиле дека на сајтот биле прикажувани попусти кои никогаш не важеле или биле вештачки зголемени цени пред попустот, со цел да се создаде впечаток дека купувачот заштедува повеќе отколку што е реално.
Компанијата призна – вината била кај претходниот менаџмент
Од компанијата PrettyLittleThing ја признале вината, додавајќи дека неправилностите потекнуваат од претходното раководство. Со регулаторите е постигнат договор, а одредени практики се коригирани за да се спречат идни манипулации врз потрошувачите.
Казната доаѓа во незгоден момент – компанијата минува низ финансиски тешкотии. Според последниот извештај, PrettyLittleThing во претходната фискална година забележала загуба од над 80 милиони фунти и пад на приходите за речиси една четвртина во споредба со претходниот период, објави Global Banking and Finance.
PrettyLittleThing не е единствениот
Ова не е изолиран случај. Слични казни се изречени и на други големи онлајн трговци – Shein, на пример, оваа година доби казна од 40 милиони евра поради идентични манипулативни попусти.
Црвени етикети, црвени аларми
Останува прашањето: Колку други компании ги користат овие маркетиншки трикови, обидувајќи се да ја искористат психологијата на „попустот“ за да ги привлечат купувачите? И, уште поважно – колку сме спремни да веруваме во секоја црвена етикета што ни излегува на екран?
Извор – bizlife.rs
